FIRST LADY WAN DO LOVE FEAST FOR ABUJA
Wife of we
presido Dr Mrs Aisha Buhari don carry invitation letter carry give all the
people wey wan contest for presido office for we country. She invite all of dem
make dem follow her come break fasting on Saturday evening for Abuja.
According
to the informate wey dey for inside the letter, the groove go happen for inside
the state house conference centre by 6:30pm on Saturday evening, April 23 2022.
But the
comma wey dey there na say, she write for the invitation letter say make dem no
bother carry their phone come for where the event wan shele. All dem need na
just to come with the invitation card so the security people go allow dem enter.
The only
set of people wey this one no consince na we vice presido and other ministers
wey she invite to come join her for the flexing.. Na the Invitation card you
dey see for down so
The person
wey confamento this tory, na the talk-talk person to we first lady Aliyu
Abdullahi.
Hmmmm…… How
una take see this matter? Abeg make I hear from una for the comment section. And
no forget to write am for we beta style wey be pidgin.
Comments
Post a Comment